Nazim's poetry

Nazim's poetry

Thursday, May 30, 2013

kitne lafz.

Mere dil k nehan khanon min kitne lafz.
Chilate hoe, yon bain karte hen.
K mere har taraf cheekhon ka.
Wehshat-nak shorish phel jata he, satata he.
Magr jab siskiyan lete hoe ye lafz min.
Kaghaz ki aghosh-e-meharban min.
Chupane k liye, tarteeb deti hon.
Achanak ye sabhi alfaz yon chup sadh lete hen.
K goya bolte na hon.
Min khali warq pe nazren jamaye.
Karb ki gehri andheri khamoshi ko.
Apne andar yon chupati hon.
K jese koi apne zakham ko un se chupata he.
Jo use piyar karte hen.
Magr is aik koshish se, na dil ka dard jata he.
Na koi hal nikalta he.
Bas ik wehshat ka saya he.
Jo har soo phel jata he.

No comments:

Post a Comment

Related Posts Plugin for WordPress, Blogger...