Nazim's poetry

Nazim's poetry

Thursday, May 30, 2013

bicharne se pehle

Zindagi k safr min bicharne se pehle.
Milan ki aakhri sham k dhalne se pehle.
Or aik dusre ki sanson or.
Dharkanon ki aakhri awaz sunne se pehle.
K jis k bad tum meri dunya se door chale jao ge.
Tumhen mujh se.
Aik wada karna hoga.
K jab bhi suraj tulu hoga.
Or Sawaat ki wadiyon min roshni barish k qatron ki trah gire gi.
Or Qaraqurm k jamni paharon par jami barf pighle gi.
Or phir jab us barf min dabi dastan nigar k darmyan beh jae gi.
Tab tum ko mujh se aik wada nibhana hoga.
K is rat k bad apni zindagi min ane wali.
Har subha ki thandi hawa.
Or har barish k bad gili mitti.
Or jamni paharon par doodh ki si jami barf ko dekh kar.
Tum mujhe yad karna.
K ye mera tum par.
Or tumhara mujh par.
Qarz he.

No comments:

Post a Comment

Related Posts Plugin for WordPress, Blogger...