Jaane kese log wo hon ge jo us ko bhaate hon ge,

Kitne aish urrate hon ge kitne itraate hon ge,
Jaane kese log wo hon ge jo us ko bhaate hon ge,

Us ki yaad ki baad-e-sabaa main aur to kia hota ho ga,
Youn he mere baal hain bikhre aur bikhr jaate hon ge,

Band rahe jin ka darwaza aese gharon ki mat poocho,
Deewaren gir jaati hon gi aangan rah jaate hon ge,

Meri saans ukharrte he sub bain karen ge royen ge,
Yani mere baad bhi yani saans liye jaate hon ge,

Yaaron kuch to baat batao us ki qayamat banhon ki,
Wo jo simtaate hon ge in main wo to mar jaate hon ge...!!!