Aik chota sa larrka tha main jin dinon,
Aik maile main pohancha himakta howa,
Jee machalta tha aik aik shay per magar,
Jaib khali thi kuch mol le na saka,
Lout aaya liye hasraten sainkrron,
Aik chota sa larrka tha main jin dinon,
Khair mahroomion k wo din to gaye,
Aaj maila laga hai ussi shaan se,
Aaj chahoon to aik aik dukaan mol loon,
Aaj chahoon to saara jahan mol loon,
Naarsai ka ab jee main dharrka kahan?
Per wo chota sa, allharr sa larrka kahan?
No comments:
Post a Comment