Nazim's poetry

Nazim's poetry

Saturday, October 29, 2011

Mumkin ho aap se tou bhula dejieye mujhey

Mumkin ho aap se tou bhula dejieye mujhey
Pathhar pe houn lakeer, mitaa dejieye mujhey

Her roz mujh se taaza shikayat hai aap ko
Mein kya houn, aik baar bata dejieye mujhey

Merey siwa bhi hain kai mozo-e-guftagoo
Apna bhi koye rang dikha dejieye mujhey

Ki mein ne apne zakhm ki tashheer ja baja
Mein manta houn jurm, sazaa dejieye mujhey

Qaayem tou ho sake koye rishta gohar ke saath
Gehrey samandaroun mein baha dejieye mujhey

Shab bhar kiran kiran ko tarasney se faayeda
Hai tairgi tou aag laga dejieye mujhey

Jaltey dinoun mien khud pas-e-dewaar baith ker
Saaye ki justaju mein laga dejieye mujhey

Youn tou shola-e-jaan sard ho chukka abhi
Lekin sulag utthoun tou hawa dejieye mujhey

No comments:

Post a Comment

Related Posts Plugin for WordPress, Blogger...