mohabbato`n ka hisaab tha na adawato`n ka shumaar thaa
kabhii us kii zaat azaab thii, kabhii rooh ka wo Qaraar thaa
merii pyaas itnii hii barh gayii k sarab jitne milay mujhe
howa dhoka jis pe gulaab ka wo sulagta, jalta sharaar thaa
usse mae ne murr ker sada na dii k palat gaya tha wo rah se
mae khizaN howa tu pata chala, merii zaat ka wo nikhaar thaa
tu bhii duur haii, mae bhii duur hon, kion alug hoay ye raaste
terii chahato`n ka guraiz thaa ya merii ana ka hisaar thaa
wo agr kissi ko milay kaheen tu koii bata de usse zara
mere fun-e-shairr kii be-khudii, tere ishQ hii ka khumaaR thaa
No comments:
Post a Comment