har zarah umeed se khushboo nikal aaye
tanhayi kay sehra main agar tu nikal aaye
kaisa lagay is baar agar mausam-e-gul main
titli ka badan orh kay jugnoo nikal aaye
phir din teri yaadon kay mundeeron pe guzaara
phir shaam huyi aankh se aansoo nikal aaye
bechaain kiye rehta hai dharka yeh hi ji ko
tujh main na zamanay ki koi khau nikal aye
phir dil ne kiya tarak--taluk ka iradah
phir tujhse mulaaqaat kay pehlu nikal aaye...
No comments:
Post a Comment