Yahi Nahi Koii Toufaan Meri Talash Main Hay

Yahi Nahi Koii Toufaan Meri Talash Main Hay
Keh Mousam Ghum -e- Jana Meri Talash Main Hay

Wasal Rutt Hay Mager Dil Ko Aisa Lagta Hay
Setara Shab -e- Hijrah Meri Talash Main Hay

Main Feslay Ki Ghari Say Guzar Chuki Hoon Mager
Kese Ka Deda -e- Hairan Meri Talash Main Hay

Ye Be-Yaqeen See Aasoodgi Batati Hay
Keh Ak Qarya -e- Weraan Meri Talash Main Hay

Main Tairgi Main Mohabbat Ki Ak Kahani Hoon
Koii Charaag Sa Unwaan Meri Talash Main Hay

Ye Kesa Khowab Tha Dharka Sa Lag Gia Dil Ko
Kay Ak Shaks Pareshaan Meri Talash Main Hay