Wo Khawab Mere Kab The

Phool Bhi Abbr Bhi Mehtab Bhi

Mere Kab The

Mere Jo Khawab The

Wo Khawab Mere Kab The 

Hath Tera Hi Tha 

Sab Meri Ruton Ke Pichay

Baag Jo Sabaz The Shadab The 

Mere Kab The 

Mere Seene Ke Jo Sehraa The

Kahan The Mere 

Meri Ankhon Ke Jo Selaab The

Mere Kab The 

Kab Mere Paas 

Kitabon Ke Siwa Bhi Kuch Tha 

Tareekh Ke Kuch Baab The 

Mere Kab The 

Main Tou Is Piyas Ka Waris Hon 

K Banjar Pan Ka 

Gaao Ke Jo Khait Seraab The

Mere Kab The