Nazim's poetry

Nazim's poetry

Wednesday, May 29, 2013

Ab jo bichre hen to....


Ab jo bichre hen to ahsas hoa he hum ko.


Dard kia hota he tanhai kise kehte hen.

Chaar soo gunjti ruswai kise kehte hen.

Ab jo bichre hen to ahsas hoa he hum ko

Koi lamha ho teri yad min kho jate hen.

Ab to khud ko bhi mayasar nhi a pate hen.

Rat ho din ho tere pyar min hum behte hen.

Dard kia hota he tanhai kise kehte hen.

Ab jo bichre hen to ahsas hoa he hum ko.

Jo bhi gham aye use dil pe saha karte the.

Aik wo waqt tha hum mil k raha karte the.

Ab akele hi zamane k sitam sehte hen.

Dard kia hota he tanhai kise kehte hen.

Ab jo bichre hen to ahsas hoa he hum ko.

Hum ne khud hi apne raste min bichae kante.

Ghar min phoolon ki jaga la k sajae kante.

Zakham is dil min basae hoe khud rehte hen.

Dard kia hota he tanhai kise kehte hen.

Ab jo bichre hen to ahsas hoa he hum ko.

Yon to dunya ki har aik cheez haseen hoti he.

Pyar se barh kar magar kuch bhi nhi hoti he.

Rasta rok k har aik se yehi kehte hen.

Ab jo bichre hen to ahsas hoa he hum ko.

Dard kia hota he tanhai kise kehte hen.

Chaar soo gunjti ruswai kise kehte hen.

Ab jo bichre hen to....

No comments:

Post a Comment

Related Posts Plugin for WordPress, Blogger...