An Ginat Log

اَن گنت لوگ ، اَن گنت چہرے

اَن گنت لوگ ، اَن گنت چہرے
زندگی کس جہت میں لے جائیں
اجنبیت کا ہر طرف ہے غبار
دور تک ہے کثافتوں کی قطار
بغض و مکر و فریب کے سائے
ہر قدم پر ہیں پاؤں پھیلائے
اجنبی گھاؤ کس کو دکھلائیں
نا شناسی کے رنگ ہیں گہرے
ہم بھی کس کائنات میں آئے
کیسی ٹھنڈی حیات میں آئے
آس بھی سرد پڑ گئی ہے یہاں
زیست سے زیست لڑ گئی ہے یہاں
کوئی قاتل نظر نہیں آتا
دور تک چیختا ہے سناٹا

  ginat chehre
An Ginat Log

An Zindagi kis jaha me le jae
ajnabiat ka her tarf he ghubaar
door tak he ksafton ki kitaar
bughz-o-makr-o-faraib k saae
her qadam p hen paon phailae
ajnabi ghao kis ko dikhlaen
nashnasai k hen rang gehre
hum b kis qaenat me ae
kaisi thandi hayat me aye
aas b sard par gyi he yhan
zeist se zeist ler gyi he yhan
koi qatil nazar nhi ata
door tak cheehta he sannata