Magar Dil Ki Udaasi Kam Nahin Hai.

Teri Yaadon Kaa Wo Aalaam Nahin Hai,

Magar Dil Ki Udaasi Kam Nahin Hai.

Hamen Bhi Yaad Hai Wo Marg- E-Tamannaa,

Magar Ab Fursat-E-Maatam Nahin Hai,

Hawaa-E-Qarb-E-Manzil Kaa Buraa Ho,

Firaaq-E-Hamsafar Kaa Gham Nahin Hai,

Junoon-E-Paarsaai Bhi To Naaseh,

Meri Deewaangi Se Kam Nahin Hai.

Ye Kyaa Gulshan Hai, Jis Gulshan Mein Logon,

Bahaaron Kaa Koi Mausam Nahin Hai,

Qayaamat Hai Ke Har Mai- Khwaar Pyaasaa,

Magar Koi Harif-E-Jam Nahin Hai,

Salibon Pe Khinche Jaate Hain Lekin,

Kisi Ke Haath Mein Parcham Nahin Hai,

"Faraz" Is Qaht-Zaar-E-Raushni Mein,

Chiraaghon Ka Dhooaan Bhi Kam Nahin Hai.