Uss ne kaha ke hum bhi Khariidaar ho gaye
Bikney ko saare log hi tayyaar ho gaye
Uss ne kaha ke aik wafadaar chaahiye
Saare jahaan ke log wafadaar ho gaye
Uss ne kaha ke koi gunah'gar hai yahaan
Jo paarsa thay wo bhi gunah'gar ho gaye
Uss ne kaha ke aajiz-o-miskeen hai koi
Sab log gard-e-koocha-o-baazar ho gaye
Uss ne kaha ke kaash koi jang'juu miley
Aapus mei yaar barsar-e-paikaar ho gaye
Uss ne kaha Adeem mera haath thaam'na
Chaaron taraf se haath namudaar ho gaye
No comments:
Post a Comment