Nazim's poetry

Nazim's poetry

Thursday, March 8, 2012

Jo tu nahee hai to phir tera intezaar bhi kiun

Bila jawaz rakhen khud ko beqaraar bhi kiun
Jo tu nahee hai to phir tera intezaar bhi kiun

Akelepan ka safar jab mera muqaddar hai
To phir ai waada shikan teri rehguzaar bhi kiun

Usey ganwa ke raho ab khizaon ki zad mai
Jo wo nahee hai to phir mausam-e-bahar bhi kiun

Agar bhulaye huye usko aik umr hui
To phir yeh aaj tabiyet hai sogwaar bhi kiun

Wo jin labon pe yaqeene wafa mehek na sakey
Phir unke lams ki khahish ho aik baar bhi kiun

Jab usko shauq tha raston ki dhool honey ka
Palat ke dekhta jaata tha baar baar bhi kiun


No comments:

Post a Comment

Related Posts Plugin for WordPress, Blogger...