aankhon ki wehshaton se kehdena

Un haseen aankhon ki wehshaton se kehdena

Hum jo aasmaan hotey
Un ko mah ro kartey
Un udaas aankhon ko roshni se bhar detey
Kuch nami ko kam kartey
Kuch khoshi se bhar detey
Hum jo aasman hotey
Un fasurda palkoon ki
Beqarar larzish ko ?..
man pasand chehrey ki simt munjamid kartey
ye agr na kar patey
tab ussey khuda kartey
tab ussey sanam kartey?..
us ko murtakiz kar k
khod ko chaar soo kartey
apni sans kam kar k
us ko daan kar detey
un haseen palkoon k
uthtey jhuktey rehney mein
dharkanoon ko gum kartey..
ye bhi gar na kar patey
phir bhi kuch to hum kartey
un udaas aankhon ki wehshatoon se kehdena ..!!!