Kitni Nadaan Thi Wo Larki

!*~*~*Kitni Nadaan Thi Wo Larki*~*~*!
Jo Khiyalon Ki Dunya Main Basti Thi
Sochon Key Maskan Main Rehti Thi
Wo Weraan Yadon Ke Daman Main Bandhi Rehti Thi

Kitni Nadaan Thi Wo Larki
Jo Kitabon Main Gum Rehti Thi
Afsano Main Apna Kirdaar Talashti Thi
Kuch Na Panay Ki SooraT Main Udaas Si Ho Jati Thi

Kitni Nadaan Thi Wo Larki
Jo Apney He Khiyalon Main Uljhi Uljhi Rehti Thi
Janey Kiya Soochti Per Kuch Bhe Na Keh Pati Thi
Dunya Key HanGamo Sey Parey Tanhaii Main Rehti Thi

Kitni Nadaan Thi Wo Larki
Jo Apney Ird Gird Ki Dunya Sey Ghabraii Hui Rehti Thi
Or Apney Wajood Ko Khud He Thukra Dena Chahti Thi
Wo Sab Raston Pey Jati Thi Or Murr Key Wapas Aati Thi