Wo silsilay, wo shouq, wo nisbat nahi rahi,

Wo silsilay, wo shouq, wo nisbat nahi rahi,
Ab zindagi main hijr ki wehshat nahi rahi,

Toota hai jub se us ki maseehai ka tilism,
Dil ko kisi maseeha ki hajjat nahi rahi,

Phir youn howa k koi shanasa nahi raha,
Phir youn howa k dard main shiddat nahi rahi,

Phir youn howa k ho gaya masroof wo bohat,
Aur hum ko yaad kerne ki fursat nahi rahi,

Ab kia kisi ko chahen k hum ko to in dinon,
Khud apne aap se bhi mohabbat nahi rahi...!!!