Bus youn he rasmi rasmi sa
Aik be-mafhoom tarruf tha
Us ne mera number mang lia
Phir aik din telephone kia
Phir phone kia .....
Phir phone kia .....
Aik roz thi barish zoron per
Badal garjay bijli chamki
Phir bondain barseen khirki per
Tub us ka telephone aaya
Be-saakhta main ne us se kaha
"Barsat main tanhai ki saza
Kyon deti ho
Kyon kerti ho tum phone mujhe?"
Kuch lamhon tak wo chup si rahi
Phir kehne lagi
"Jo aap ka dheema lehja hai
Mujhe be-hud accha lagta hai
Awaz jo aap ke honton se
Tashna kanon tak aati hai
Mujhe us ki yaad dilati hai...!!!"
No comments:
Post a Comment