Nazim's poetry

Nazim's poetry

Thursday, November 10, 2011

Us shaam wo rukhsat ka samaa yaad rahe ga,

Us shaam wo rukhsat ka samaa yaad rahe ga,
Wo shaher wo koocha wo makaan yaad rahe ga,

Wo tees k ubhri thi idher yaad rahe g,
Wo dard k utha tha yahan yaad rahe ga,

Hum shoq k shoule ki lapak bhool jaayen ge,
Wo shama_e_farsuda ka dhuwan yaad rahe ga,

Kuch Meer k abyaat thay kuch Faiz k misre,
Aik dard ka tha jin main bayaan yaad rahe ga,

Jaan-bakhsh si thi us gul-barg ki taraawat,
Wo lams_e_azeez_e_do-jahaan yaad rahe ga,

Hum bhool sake hain na tujhe bhool saken ge,
Tu yaad rahe ga humen haan yaad rahe ga...!!!

No comments:

Post a Comment

Related Posts Plugin for WordPress, Blogger...