Barish ki tarah boondon ne jub dastak di darwaze per,

Barish ki tarah boondon ne jub dastak di darwaze per,
Mahsoos howa tum aaye ho, andaaz tumhare jesa tha,

Hawa k halke jhonke ne jub aahat ki khirrki per,
Mahsoos howa tum chalte ho, andaaz tumhare jesa tha,

Main ne boondon ko apne haath per tapkaya to,
Aik sard sa ehsaas howa, lams tumhare jesa tha,

Main tanha chala jub barish main aik jhonke ne saath dia,
Main samjha tum saath ho mere ehsaas tumhare jesa tha,

Phir ruk gai wo barish bhi rahi na baaqi aahat bhi,
Main samjh mujhe tum chorr gaye, andaaz tumhare jesa tha...!!!