Nazim's poetry

Nazim's poetry

Saturday, October 29, 2011

Agar Woh MehrbaaN Hota ....


Agar Woh MehrbaaN Hota ....
To Meri AankhoN main
Nah Yeh Jhilmilaati Numee hoti
Nah Meray Dil Ki Waadi Main
KhizaaN Ka Qaafla Hota

Agar Woh MehrbaaN Hota
Meri Bay-Noor AankhoN Main
Sitaaray Qaid Ker Leta
Meri Zakhmi Hathaily Per
Kabhi Ek Phool Rakh Deta
Meray HathoN Ko Apnay Haath Main Lay Ker
Woh Yeh Kehta!!
Mohabbat Roshni Hay, Rang Hay, Khushboo, Sitaara Hay
Qasam Mujh Ko Mohabbat Ki ... !!
Mujhay Tu Sab Say Piyaara Hai
Magar Woh Aisa Tab Kehta ... !!
AGAR WOH MEHRBAAN HOTA



No comments:

Post a Comment

Related Posts Plugin for WordPress, Blogger...