be shak na mere saath sfar ikhtiyaar kar
aye mere badgumaan mera aitbaar kar
woh khud tu titliyon ko le kar ghoomta raha
aur mujhko khat main likhta raha intezaar kar
ab in kay qaaflay tu kahiin door ja chukay
jin ki talab main aye the sehra guzaar kar
main ne tu tere hijr ka dukh jheel hi liya
ab tu bhi khud ko waqf-e-reh-e-intezaar kar
kab ho saki hai inki samunder se dosti
mitti kay in ghirondon pe kam anhisaar kar
fursat milay tu dekh meray dil kay aaeenay
aankhon se apni kaghazi parday utaar kar
No comments:
Post a Comment