Nazim's poetry

Nazim's poetry

Thursday, July 18, 2013

veeran kar gaya..!

Be-aitbar shakhs tha 
so waar kar gaya,
Lekin mere sha'oor ko 
be-daar kar gaya..

Kuch me ne ishti'al me
 shikway gilay kiye,
Kuch wo shikayaten 
sar-e-bazaar kar gaya..

Pehlay wo meri zaat ki
 taameer me raha,
Phir mujhko
 apne haath se masmaar kar gaya..

Wo aa mila to
 faaslay kat'tay chalay gaye,
Bichra to raastay
 mere dushwar kar gaya..

Bichra kuch is ada se 
k rutt hi badall gayi,
ek shakhs saaray shehar ko 
veeran kar gaya..!




No comments:

Post a Comment

Related Posts Plugin for WordPress, Blogger...