Kuch log dil ke bahut paas hote hain...

Kuch log dil ke bahut paas hote hain...
Na hokar bhi hamesha saath hote hain...

Bhale he dooriyaan badh jaayein,
Par kehne ko bahut se alfaaz hote hain...

Phone par baat hue chaahe din beet jaayein,
Par zehen me to hamesha vo yaad hote hain...

Roothna-manaana to chalta he rehta hai,
Par phir milne ko hamesha taiyaar hote hain...

Pyaar hai to shikaayatein bhi hongi,
Par unhe dur karne ke bahaane bhi hazaar hote hain...

Ek din vo na muskuraayein to,
Khud bhi rone ki kagaar par hote hain...

Khushi zaahir karni ho to sabse pehla naam,
Unke liye hum aur humaare liye vo hote hain...

Kyunki kuch log dil ke bahut paas hote hain...
Na hokar bhi hamesha saath hote hain...