Nazim's poetry

Nazim's poetry

Tuesday, December 18, 2012

خداوندا تیری مرضی


خداوندا تیری مرضی
تو جو بھی امتحاں لے لے
نہیں ہم جانتے جن کو
انہیں کا ہمسفر کردے
جو اس جیون سے پیارے ہوں
انہیں ہم سے جدا کردے
تیری مرضی خداوندا!
تو چاہے آگ پانی ہو
تو چاہے برف جلتی ہو
تو چاہے پھول چبھتے ہوں
تو چاہے خار خوشبو دیں
جسے چاہے بتادے تو
محبت کس کو کہتے ہیں
جسے چاہے سکھا دے تو
عبادت کس کو کہتے ہیں
جسے چاہے ملا دے تو
جسے چاہے جدا کردے
وہ جس نے غم نہ دیکھے ہوں
اسے غم آشنا کردے
تیری مرضی تو بن مانگے
سبھی کچھ ہی عطاکردے
تیری مرضی خداوندا
تو چاہے سب فنا کردے
خداوندا تیری مرضی
تو جو بھی امتحاں لے لے
ہمیں جس حال میں رکھے
فقط اتنی گزارش ہے
تو جو بھی امتحاں لینا
ہمیں بس سرخرو کرنا

No comments:

Post a Comment

Related Posts Plugin for WordPress, Blogger...