Sitaaron ki jhil mil hai
Chandni se bhari mehfil hai
Khule aakaash mein chaand
Bas mujhe dekhe jaa raha hai
Sannata hai , andhera hai
Chuppi ne bhi ghera hai
Jaise lambe kaale kaale ped
Khud pehra dene aye hain
Thandi hava yun maddham
Haule haule chal rahi hai
Fir bhi mere yaar mujhe
Neend nahin aa rahi hai
Ahkhein phati phati si hain
Saasein kati kati si hain
Teri yaadon ke ye diye
Ankhon mein chub rahe hain
Baal ye mere kitne uljhe hain
Teri ungli se bas suljhein hain
Kaise inhe samjhaun ab main
Ki narmi teri door hai, pyar
bebas aur majboor hai
Pairon mein kuch hulchal si hai
Jaise bas uth k bhaag chalenge
Bas is baar tu wapas aaja
Agli baar hum saath chalenge
No comments:
Post a Comment