Tum Haqiqat Nahi Ho Hasrat Ho
Jo Mile Khuwab Main Wo Daulat Ho
Mai Tumhare He Dum Se Zinda Hun
Mar He Jaaun Jo Tumse Fursat ho
Tum Ho To Khushboo Ke Khuwab Ki Khushboo
Aur Itni He Be.Muravat Ho
Tum Ho Pehlu Mai Per Qaraar Nahin
Yaani Aisa Hai Jaise Furqat Ho
Kis tarha Chhor Dun Tumhe Jaana
Tum Meri Zindagi Ki Aadat Ho
Kis Liye Dekhti Ho Aaina ?
Tum to Khud Se Bhe Khoobsurat Ho
Daastan Khatam Hone Wali Hai
Tum Meri Pehli Or Aakhri Mohabbat Ho
No comments:
Post a Comment