yeh chand aansoo

yeh chand aansoo, yeh chand aahei’N, siwaey inn ky dhara he kya hy
zamana kya cheen ly ga hum sy, kisi ny hum ko dia he kya hy

tumhari aankho’N mein kesy aansoo, labo’N py kion uzr-e-by gunaahi
hamei’N to luttna tha, lutt gaey hum, tumhari is mein khataa he kya hy

kisi ny ynhi urrai ho ge, mein is py kesy yaqeen kr loon?
wo kya karein gy sitam kisi par, unhei’N tameez-e-jafa he kya hy

tabahio’N ka malaal he kya, shikayato’N ka sawaal he kya
guzar gae dil py jo bhi guzri, ab ahl-e-dil sy gila he kya hy

yeh keh k qaatil ky hath choomy, keh jaan-o-dil sab tery hawaly
jo khoo-e-tasleem he na daaly, wo ihtaram-e-wafa he kya hy

meri kahani abhi hy jaari, guzaar dn ga yeh raat saari
tumhara bhi tazkirah hy is mein, abhi tou tum ny suna he kya hy

na dasht chaany, na bann khangaaly, na koh paima bany hain SAJID
isi nadaamat py jee rahy hain, kisi ke kahatir kia he kya hy