Abhi Teri Daastan Mein Gum Hun

Hisaar-e-Lafz-o-Bayaan Mein Gum Hun
Abhi Teri Daastan Mein Gum Hun

Mein Dekh Sakti Hun Doston Ko
Magar Saf-e-Dushmanaan Mein Gum Hun

Badan Ka aPna azaab Hai aur
Isi Azaab-e-Ziaan Mein Gum Hun

Ye Loog Ghar Keh Rahay Hain Jisko
Mein aisay Makaan Mein Gum Hun

Kahan Wo Lazzat Musaafaton Ki ?
Mein Manzilon Ke Nishaan mein Gum Hun

Khabar Nahi Mauj-e-Dast-e-Jaan Ki
Hawaa Hun aur Baadbaan Mein Gum Hun

Abhi Kahan Fursat-e-Mohabbat ?
Abhi Mein Kaar-e-Jahaan Mein Gum Hun