Kya Keh Gai Kisi Ki Nazar Kuchh Na Poochhiye
Kya Kuchh Huaa Hai Dil Pe Asar Kuchh Na Poochhiye
Vo Dekhnaa Kisi Ka Kan-Akhiyon Se Baar Baar
Vo Baar Baar Us Ka Asar Kuchh Na Poochhiye
Ro Ro Ke Is Tarah Se Kati Raat Kya Kahen
Mar Mar Ke Kaise Ki Hai Sahar Kuchh Na Poochhiye
"Akhtar" Dayaar-E-Husn Men Pahunche To Hain Mar Ke Ham
Kyon-Kar Huaa Hai Tai Ye Safar Kuchh Na Poochhiye
----------------
Kya Huwa Main Ne Agar Ishq Ka Izhaar Kiya
Aap Se Pyaar Kiya
Aap Nay Kyon Mere Armanon Ko Bedaar Kiya
Dill Ko Sar-Shaar Kiya
Ghum Ka Iqraar Karoon Mujh Main Ye Himmat Hi Na Thi
Dil Ko Jurrat Hi Na Thi
Dil Ko Kyon Gesu-E- Mushkeen Main Giraftaar Karoon
Waqf-E- Aazaar Kiya
Dil-Pazeeri To Hai Ik Khel Haseenon Ke Liye
Meh-Jabeenon Ke Liye
Dil-Dehi Per Meri Kyon Ghusse Ka Izhaar Kya
Naa-Huq Inkaar Kiya
Kya Khaber Tum Ko Abhi Ishq Main Lazzat Kya Hai
Ye Halawat Kya Hai
Tum Ne Kya Soch Ke Is Dard Se Inkaar Kya
Fitna Bedaar Kiya
Pehle Hi Naame Main Khul Jaao, Zaroorat Kya Thi
Ye Sharaarat Kya Thi
Hausla Kyon Meri Umeedon Ka Bedaar Kya
Mujh Ko Naa-Chaar Kiya!
Wo Khafa Hon Ke Hansen Un Ko Bata Do Akhtar
Ye Jata Do Akhtar
Ab To Jo Kuch Ho So Ho, Ishq Ka Izhaar Kiya
Aap Se Pyaar Kiya
---------
Meri Shaam-E--Gham Ko Vo Behla Rahe Hain
Likha Hai Ye Khat Men Ki Ham Aa Rahe Hain
Thahar Jaa Zara Aur Dard-E--Furqat
Hamaare Tasavvur Men Vo Aa Rahe Hain
Gham-E--Aaqabat Hai Na Fikr-E--Zamaanaa
Piye Jaa Rahe Hain Jiye Jaa Rahe Hain
Nahin Shikavaa-E-Tashnagi Mai-Kashon Ko
Vo Aankhon Se Mai-Khaane Barasaa Rahe Hain
Vo Rashk-E--Bahaar Aane Vaalaa Hai "Akhtar"
Kanval Hasraton Ke Khile Jaa Rahe Hain
---------------
Dil-E- Deewana-O Andaaz-E- Be-Baakana Rakhte Hain
Gadaa-E- Maikadah Hain Waza'e Aazadana Rakhte Hain
Mujhe Mai-Khana Thar-Tharata Huwa Mehsoos Hota Hai
Wo Mere Saamne Sharma Ke Jab Paimana Rakhte Hain
Bazaahir Hum Hain Bulbul Ki Tarah Mashhoor Harjaai
Magar Dil Main Gudaaz-E- Fitrat-E- Parwana Rakhte Hain
Jawaani Bhi To Ik Mauj-E- Sharab-E- Tund-O-Rangeen Hai
Bura Kya Hai Agar Hum Mashrab-E- Rindana Rakhte Hain
Kisi Maghroor Ke Aage Humara Sar Nahin Jhukta !
Faqeeri Main Bhi Akhtar Ghairat-E- Shaahana Rakhte Hain
------------
Har Ek Jalvaa-E-Rangin Meri Nigaah Men Hai
Gham-E--Firaaq Ki Duniyaa Dil-E--Tabaah Men Hai
Kisi Ki Yaad-E-Karam Uf Are Ma'azallaah
Tabaah Hoke Bhi Zaalim Dil-E--Tabaah Men Hai
Hazaar Pardon Men O Chhupne Vaale Ye Sun Le
Teraa Jamaal Mere Daaman-E-Nigaah Men Hai
Jahaan Men Mujhe Bhi Naakaam-E-Aarazoo Kam Hai
Na Rang Aah Men Hai Aur Na Soz Aah Men Hai
----------------
Nikhat-E-Zulf Se Neendon Ko Basaa De Aa Kar
Meri Jaagi Hui Raaton Ko Sulaa De Aakar
Kis Qadar Teeraa-O-Taareek Hai Duniyaa Meri
Jalvaa-E-Husn Ki Ik Shamaa Jalaa De Aakar
Ishq Ki Chaandni Raaten Mujhe Yaad Aati Hain
Umr-E-Raftaa Ko Meri Mujh Se Milaa De Aakar
Zauq-E-Naadeed Men Lazzat To Hai Magar Naaz Naheen
Aa Mere Ishq Ko Maghroor Banaa De Aakar
-------------
Har Ek Jalvaa-E-Rangeen Meri Nigaah Men Hai
Gham-E-Firaaq Ki Duniyaa Dil-E-Tabaah Men Hai
Kisi Ki Yaad-E-Karam Uf Are Ma'azallaah
Tabaah Hoke Bhi Zaalim Dil-E-Tabaah Men Hai
Hazaar Pardon Men O Chhupane Vaale Ye Sun Le
Teraa Jamaal Mere Daaman-E-Nigaah Men Hai
Jahaan Men Mujhe Bhi Naakam-E-Aarazoo Kam Hai
Na Rang Aah Men Hai Aur Na Soz Aah Men Hai
-----------------
Mastaanaa Piye Jaa Yoon Hi Mastaanaa Piye Jaa
Paimaanaa To Kya Cheez Hai Maikhaanaa Piye Jaa
Kar Gharq Mai-O-Jaam Gham-E-Gardish-E-Ayyaam
Ab Ai Dil-E-Naakam Too Maikhaanaa Piye Jaa
Mai-Noshi Ke Aadaab Se Aagaah Naheen Too
Jis Tarah Kahe Saaqi-E-Maikhaanaa Piye Jaa
Is Basti Men Hai Vahashat-E-Masti Hi Se Hasti
Deevaanaa Ban Aur Baadaa-E-Deevaanaa Piye Jaa
Maikhaane Ke Hangaamen Hain Kuchh Der Ke Mehamaan
Hai Subah Qareeb "Akhtar" Divaanaa Piye Jaa
------------------
Meri Shaam-E-Gham Ko Vo Bahlaa Rahe Hain
Likhaa Hai Ye Khat Men Ki Ham Aa Rahe Hain
Thahar Jaa Zaraa Aur Dard-E-Furqat
Hamaare Tasavvur Men Vo Aa Rahe Hain
Gham-E-Aaqabat Hai Na Fikr-E-Zamaanaa
Piye Jaa Rahe Hain Jiye Jaa Rahe Hain
Naheen Shikavaa-E-Tashnagi Mai-Kashon Ko
Vo Aankhon Se Maikhaane Barasaa Rahe Hain
Vo Rashk-E-Bahaar Aane Vaalaa Hai "Akhtar"
Kanval Hasraton Ke Khile Jaa Rahe Hain
----------------
Vo Kahte Hain Ranjish Ki Baaten Bhulaa Den
Muhabbat Karen Khush Rahen Muskuraa Den
Javaani Ho Gar Jaavidaani To Yaa Rab
Teri Saadaa Duniyaa Ko Jannat Banaa Den
Shab-E-Vasl Ki Bekhudi Chhaa Rahi Hai
Kaho To Sitaaron Ki Shama’en Bujhaa Den
Tum Afsaanaa-E-Qais Kyaa Poochhte Ho
Idhar Aao Ham Tum Ko Lailaa Banaa Den
Bahaaren Simat Aayen Khil Jaayen Kaliyaan
Jo Ham Tum Chaman Men Kabhi Muskuraa Den
Vo Aayenge Aaj Ai Bahaar-E-Muhabbat
Sitaaron Ke Bistar Men Kaliyaan Bichha Den
-----------------
Kyaa Kah Gai Kisi Ki Nazar Kuchh Na Poochhiye
Kyaa Kuchh Huaa Hai Dil Pe Asar Kuchh Na Poochhiye
Vo Dekhnaa Kisi Ka Kan-Akhiyon Se Baar Baar
Vo Baar Baar Us Ka Asar Kuchh Na Poochhiye
Ro Ro Ke Is Tarah Se Kati Raat Kyaa Kahen
Mar Mar Ke Kaise Ki Hai Sahar Kuchh Na Poochhiye
"Akhtar" Dayaar-E-Husn Men Pahunchen To Hain Mar Ke Ham
Kyoon Kar Huaa Hai Tai Ye Safar Kuchh Na Poochhiye
----------------
Main Aarazoo-E-Jaan Likhoon Yaa Jaan-E-Aarzoo
Too Hi Bataa De Naaz Se Imaan-E-Aarzoo
Imaan-O-Jaan Nisaar Teri Ik Nigaah Par
Too Jaan-E-Aarazoo Hai Too Imaan-E-Aarzoo
Ik Vo Ke Aarazuon Pe Jeete Hain Umr Bhar
Ik Ham Ke Hain Abhi Se Pashemaan-E-Aarzoo
Aankhon Se Joo-E-Khoon Hai Ravaan Dil Hai Daagh Daagh
Dekhe Koi Bahaar-E-Gulistaan-E-Aarzoo
----------------
Kam Aa Sakeen Na Apni Vafaayen To Kyaa Karen
Ik Bevafaa Ko Bhool Na Jaayen To Kyaa Karen
Mujh Ko Ye Etaraaf Duaaon Men Hai Asar
Jaaye Na Arsh Par Jo Duaayen To Kyaa Karen
Ik Din Ki Baat Ho To Use Bhool Jaayen Ham
Naazil Hon Roz Dil Pe Balaayen To Kyaa Karen
Shab Bhar To Un Ki Yaad Men Taare Ginaa Kiye
Taare-Se Din Ko Bhi Nazar Aayen To Kyaa Karen
Ahad-E-Tarab Ki Yaad Men Royaa Kiye Bahut
Ab Muskuraa Ke Bhool Na Jaayen To Kyaa Karen
Ab Ji Men Hai Ki Un Ko Bhulaa Kar Hi Dekh Len
Vo Baar Baar Yaad Jo Aayen To Kyaa Karen
Tark-E-Vafaa Bhi Jurm-E-Muhabbat Sahi "Akhtar"
Milne Lagen Vafaa Ki Sazaayen To Kyaa Karen
------------------
No comments:
Post a Comment