ye tera ghar ye mera ghar kisi ko dekhna ho gar

ye tera ghar ye mera ghar kisi ko dekhna ho gar
     to pehle aake maaNg le meri nazar teri nazar
     ye tera ghar ye mera ghar ye ghar bahut haseen hai
     ye ghar bahut haseen hai ye ghar bahut haseen hai

     na baadloN ke chaaOn meiN naa chandni ke gaaOn meiN
     na phool jaise raaste bane haiN iske waaste 
     magar ye ghar ajeeb hai zameen ke kareeb hai
     ye eet-pattharoN ka ghar hamaari hasratoN ka ghar

     jo chaandni nahin to kya ye roshni hai pyaar ki
     diloN ke phool khil gaye to fikR kya bahaar ki 
     hamaare ghar na aayegi kabhi khushi udhaar ki
     hamaari raahatoN ka ghar hamaari chaahatoN ka ghar

     yahan mahak wafaaoN ki mohabbatoN ka rang hai
     ye ghar tumhara khwaab hai ye ghar meri umang hai
     na aarzoo pe qaid hai na hausle pe jung hai
     humare hausloN ka ghar hamaari himmatoN ka ghar