Nazim's poetry

Nazim's poetry

Monday, April 4, 2011

دل گِرفتہ ہی سہی بزم سجا لی جائے

دل گِرفتہ ہی سہی بزم سجا لی جائے
یادِ جاناں سے کوئی شام نہ خالی جائے

رفتہ رفتہ یہی زنداں میں بدل جاتے ہیں
اب کسی شہر کی بُنیاد نہ ڈالی جائے

مُصحفِ رُخ ہے کِسی کا کہ بیاضِ حافظ
ایسے چہرے سے تو بس فال نکالی جائے

وہ مرّوت سے ملا ہے تو جُھکا لُوں گردن
میرے دشمن کا کوئی وار نہ خالی جائے

بے نوا سحر کا سایہ ہے میرے دل پہ فراز
کس طرح سے میری آشفتہ خیالی جائے

No comments:

Post a Comment

Related Posts Plugin for WordPress, Blogger...