Mein titleon ko sula dun ga zara tum sham hony do

Mein titleon ko sula dun ga zara tum sham hony do,
main jugnuon ko jaga dun ga zara tum sham hony do,

meri num ankhon ko na tum dekho haqarat se,
main tumko b rula dun ga zara tum sham hony do.
...
tumhain qaidi banaya hay ujaaR ankhon ki hasrat ka,
rihaai bhi dila dun ga zara tum sham hony do.

kahan aghaz hota hay kahan anjam hota hay,
hunar saary sikha dun ga zara tum sham hony do.

jo tum nay mujh se poocha hay kahan hogi tmhari sham,
jahan hogi bata dun ga zara tum sham hony do.

Mera iman hai tum ko andheray chuu nahi saktay.
Mein apna ghar jala dun ga zara tum sham hony do..!