Kabhi hum bheegtay hain chahton ki tez baarish main
Kabhi barson nahiin miltay kisi halki si ranjish main
Tumhi main devtaon ki koi kho boo na thi warna
Kami koi na thi meray andaaz-e-pursatish main
Yeh pehlo soch lo phir aur bhi tanha na ho jaana
Usay choonay ki khawahish main usay paanay ki koshish main
Buhut say zakham hai dil main magar ik zakham aisa hai
Jo jal uthta hai raaton main jo loo deta hai baarish main
No comments:
Post a Comment