Abhi tehro !!!

Abhi tehro  !!!
‘’Abhi kuch din lagay gay’’
wasal ki khawahish bananay main
tumhen apna samajhnay kay liye dil ko mananay main
Abhi kuch din lagay gay
Abhi hum apni apni khushbouon ko dil se milnay dein
Unhein mehsoos karnay dein
Wafa kia taqaazaye mohabbat kihadein kia hain
Hadon ki sarhadein kia hain
Phir in kay paar jaanay ka sabab kia hai
Dehaan-o-be dihaani main
Tumhaari bheegti baton ki nadiya ki rawaani main
Kahaani hi kahaani main
Agar bay jaadeh-o-manzil
Koi khawahish dilon ki kaukh se paida hui tu kaun dekhay ga
Humaray naam ki sachayi ko
Aur khawahishon kay be nasab mehtaab chehron ko
Abhi tehro!
Abhi kuch din lagay gay

Rishta-e-benaam ko humnaam karnay main
Kahaani ko kisi aghaaz se anjaam karnay main
Kahiin izhaar karnay main
Humein iqraar karnay main
Abhi tehro!
Abhi kuch din lagay gay………….