Nazim's poetry

Nazim's poetry

Saturday, July 13, 2013

Ae Naye Saal Bata

Ae Naye Saal Bata 
Tujh Mein Niya Kia Hai?
Har Taraf Khalq Nay 
Kiun Shor Macha Rakha Hai

Roshni Din Ki Wohi 
Taron Bhari Raat Wohi
Aaj Hum Ko Nazar 
Aati Hai Har Baat Wohi

Aasman Badla Hai Afsoos, 
Na Badli Hai Zameen
Aik SAAL Ka Badalna 
Koi Jiddat To Nahi

Aglay Barson Ki Tarah 
Hongay Qareenay Teray
Kisay Maloom Nahi 
Barah Mahinay Teray

Junuary, February Or 
March Mein Paray Sardee
Or April, May, 
June Mein Hogi Garmi...

Tera Mun Dehar Mein 
Kuch Khoye Ga Kuch Paye Ga
Apni Miyad Basar
 Karkay Chala Jaye Ga

Tu Naya Hai To Dikha
 Subah Nayi, Shaam Nayi
Warna In Aankhon Nay 
Dekhay Hain Naye Saal Kayi

Be-Sabab Daitay Hain 
Kiun Log Mubarak-badain
Ghaliban Bhool Gaye
 Waqt Ki Karwi Yaadain

Teri Aamad Say Ghati Umer, 
Jahan Mein Sub Ki
Faiz Nay Likhi Hai Yeh 
Nazam Niralay Dhab Ki..

No comments:

Post a Comment

Related Posts Plugin for WordPress, Blogger...