Meray Wujood Mein Waffa Ki Roshni Utaar Day,
Phir Itna Pyar Day K Mujh ko Chahaton Mein Maar Day.
Buhut Udaas Tha So Uthh K Teray Paas Aa Gaya,
Kuch Aesi Baat Ker Jo Dil Ko Chaen Day,Qarar Day.
Suna Hai Teri Ek Nazar Sanwarti Hai Zindagi,
Jo Ho Sakay To Aaj Meri Zindagi Sanwar Day.
Aye Mehtaab Tu Kabhi Jo Mera Chaand Dekh Lay,
Qasam Khud Ki Apni Jaan Tu Bhi Us Pe Waar Day.
Mera Asasa-e-Hayat Chhin Gaya Hai Dosto,
Do Chaar Din Ki Zindagi Koi Mujhe Udhaar Day.
Khush Naseeb main Nahi, to Shaam-e-Ghamm Hi De Mujhe ,
Yeh Kab Kaha K Tu Mujhay Gullab Day, Bahar Day.
Mujhay Kisi K Ishq Nay Banaya Neer-e-Jahan,
Dua Karo Khuda Yeh Gham Tumhen Bhi Ek Baar Day.
No comments:
Post a Comment