Ye Rooh Peyaasi hamen wirsay mein mili hai

Ham Dasht ke Baasi, Hamen wirsay me mili hai
Ye Rooh Peyaasi hamen wirsay mein mili hai

Dukh Dard se sadio'n ka Taluk hai hamara
Aankhon ki Odaasi hamen wirsay me mili hai

Jaan dena Ravayat hai Qabeeley ki hamari
Ye surkh-Libasi hamen wirsay me mili hai

Jo Bat be kehtey hen Dil me Oter jati hai
Taseer, Juda si hamen wirsay me mili hai

Jo Haath bhe Thama hai sada sath raha hai
Ehbaab-shinasi hamen wirsay me mili hai...!!!