بھُول جانے کا تو بس ایک بہانہ ہوگا
کہ بہرطور اسے یاد تو آنا ہوگا
کوئی موسم ہو ،مہکتا رہے شاداب رہے
اپنی آنکھوں کو کنول ایسا بنانا ہوگا
بند مُٹھی سے جو اُڑ جاتی ہے قسمت کی پر
اِس ہتھیلی میں کوئی چھید پُرانا ہوگا
آبلے پاؤں کے مہکیں تو مگر درد نہ دیں
دشت میں ریت کے ذروں کو بتانا ہوگا
زاویئے اُس کی نگاہوں کے بڑے قاتل ہیں
سامنے اُس کے بہت سوچ کے جانا ہوگا
گھاؤ کتنا بھی پُرانا ہو، بہرحال اسے
کچے موسم کی شرارت سے بچانا ہوگا
ہاتھ لکھنے پہ مُصر، خوف زمانے کا بتول
پیڑ پر نام کوئی لکھ کے مٹانا ہوگا
کہ بہرطور اسے یاد تو آنا ہوگا
کوئی موسم ہو ،مہکتا رہے شاداب رہے
اپنی آنکھوں کو کنول ایسا بنانا ہوگا
بند مُٹھی سے جو اُڑ جاتی ہے قسمت کی پر
اِس ہتھیلی میں کوئی چھید پُرانا ہوگا
آبلے پاؤں کے مہکیں تو مگر درد نہ دیں
دشت میں ریت کے ذروں کو بتانا ہوگا
زاویئے اُس کی نگاہوں کے بڑے قاتل ہیں
سامنے اُس کے بہت سوچ کے جانا ہوگا
گھاؤ کتنا بھی پُرانا ہو، بہرحال اسے
کچے موسم کی شرارت سے بچانا ہوگا
ہاتھ لکھنے پہ مُصر، خوف زمانے کا بتول
پیڑ پر نام کوئی لکھ کے مٹانا ہوگا
No comments:
Post a Comment