Faiz - Nisaar Main Teri Galiyon Ke Ai Watan, Ki Jahaan
Nisaar Main Teri Galiyon Ke Ai Watan, Ki Jahaan
Chali Hai Rasm Ki Koi Na Sar Uthaa Ke Chale
Jo Koi Chaahane Waalaa Tawaaf Ko Nikle
Nazar Chura Ke Chale, Jism-O-Jaan Bacha Ke Chale
Hai Ahl-E-Dil Ke Liye Ab Ye Nazm-E-Bast-O-Kushaad
Ki Sang-O-Khisht Muqayyad Hain Aur Sag Aazaad
Bahot Hain Zulm Ke Dast-E-Bahaana Joo Ke Liye
Jo Chand Ahl-E-Junoon Tere Naam Lewaa Hain
Bane Hain Ahl-E-Hawas Muddai Bhi, Munsif Bhi
Kise Wakeel Karen, Kis Se Munsifi Chaahen
Magar Guzarane Waalon Ke Din Guzarate Hain
Tere Firaaq Men Yoon Subh-O-Shaam Karte Hain
Bujha Jo Rauzan-E-Zindaan To Dil Ye Samajha Hai
Ki Teri Maang Sitaaron Se Bhar Gai Hogi
Chamak Uthe Hain Salaasil To Hamane Jaana Hai
Ki Ab Sahar Tere Rukh Par Bikhar Gai Hogi
Gharaz Tasawwur-E-Shaam-O-Sahar Men Jite Hain
Giraft-E-Saaya-E-Deewaar-O-Dar Men Jite Hain
Yun Hi Hamesha Ulajhati Rahi Hai Zulm Se Khalq
Na Unki Rasm Nai Hai, Na Apani Reet Nai
Yun Hi Hamesha Khilaaye Hain Hamne Aag Men Phool
Na Unki Haar Nai Hai, Na Apani Jeet Nai
Isi Sabab Se Falak Ka Gilaa Nahin Karte
Tere Firaaq Men Ham Dil Bura Nahin Karte
Gar Aaj Tujh Se Judaa Hain To Kal Baham Honge
Ye Raat Bhar Ki Judaai To Koi Baat Nahin
Gar Aaj Auj Pe Hai Taala-E-Raqeeb To Kya
Ye Chaar Din Ki Khudaai To Koi Baat Nahin
Jo Tujhse Ahd-E-Wafaa Ustawaar Rakhte Hain
Ilaaj-E-Gardish-E-Lail-O-Nihaar Rakhate Hain
-----------------
Faiz - Tum Mere Paas Raho
Tum Mere Paas Raho
Mere Qaatil, Mere Dildaar, Mere Paas Raho
Jis Ghadi Raat Chale
Aasamaanon Kaa Lahoo Pee Kar Siyah Raat Chale
Marham-E-Mushk Liye, Nashtar-E-Almaas Chale
Bain Karati Hui, Hansati Hui, Gaati Nikle
Dard Ki Kaasani Paazeb Bajaati Nikle
Jis Ghadi Seenon Men Doobte Huye Dil
Aasteenon Men Nihaan Haathon Ki Rah Takne Nikle
Aas Liye
Aur Bachchon Ke Bilakhne Ki Tarah Qul-Qul-E-Mai
Bahr-E-Naasoodgi Machale To Manaaye Na Mane
Jab Koi Baat Banaaye Na Bane
Jab Na Koi Baat Chale
Jis Ghadi Raat Chale
Jis Ghadi Maatami, Sun-Saan, Siyah Raat Chale
Paas Raho
Mere Qaatil, Mere Dildaar, Mere Paas Raho
------------------
Faiz - Dono Jahaan Teri Mohabbat Main Haar Ke
Dono Jahaan Teri Mohabbat Main Haar Ke
Wo Ja Raha Hai Koi Shab-E-Gam Guzaar Ke
Viraan Hai Maikada Khum-O-Saagar Udaas Hai
Tum Kya Gaye Ke Ruth Gaye Din Bahaar Ke
Ik Fursat-E-Gunaah Mili, Wo Bhi Chaar Din
Dekhe Hain Ham Ne Hausle Parvar-Digaar Ke
Duniya Ne Teri Yaad Se Begaana Kar Diya
Tujh Se Bhi Dil Fareb Hain Gam Rozgaar Ke
Bhoole Se Muskura To Diye The Wo Aaj ‘Faiz’
Mat Pooch Val-Vale Dil-E-Na-Kardakaar Ke
------------------
Faiz - Gulon Main Rang Bhare, Baad-E-Naubahaar Chale
Gulon Main Rang Bhare, Baad-E-Naubahaar Chale
Chale Bhi Aao Ki Gulshan Ka Karobaar Chale
Qaffas Udaas Hai Yaro, Saba Se Kuch To Kaho
Kahin To Bahr-E-Khuda Aaj Zikr-E-Yaar Chale
Kabhi To Subh Tere Kunj-E-Lab Se Ho Aagaz
Kabhi To Shab Sar-E-Kaakul Se Mushkabaar Chale
Bada Hai Dard Ka Rishta, Ye Dil Garib Sahi
Tumhaare Naam Pe Aayenge Gamgusaar Chale
Jo Ham Pe Guzri So Guzri Magar Shab-E-Hijraan
Hamaare Ashk Teri Aaqabat Sanwaar Chale
Huzoor-E-Yaar Hui Daftar-E-Junun Ki Talab
Girah Main Leke Garebaan Ka Taar Taar Chale
Maqaam ‘Faiz’ Koi Raah Main Jacha Hi Nahin
Jo Ku-E-Yaar Se Nikle To Su-E-Daar Chale
------------------
Faiz - Dono Jahaan Teri Mohabbat Men Haar Ke
Dono Jahaan Teri Mohabbat Men Haar Ke
Wo Jaa Rahaa Hai Koi Shab-E-Gham Guzaar Ke
Weeraan Hai Maikada Khum-O-Saaghar Udaas Hai
Tum Kya Gaye Ke Rooth Gaye Din Bahaar Ke
Ik Fursat-E-Gunaah Mili, Wo Bhi Chaar Din
Dekhe Hain Ham Ne Hausale Parwar-Digaar Ke
Duniya Ne Teri Yaad Se Begaana Kar Diyaa
Tujh Se Bhi Dil Fareb Hain Gham Rozagaar Ke
Bhoole Se Muskura To Diye The Wo Aaj 'Faiz'
Mat Pooch, Wal-Wale, Dil-E-Naa-Karda-Kaar Ke
-----------------
Faiz - Ham Paravarish-E-Lauh-O-Qalam Karate Rahenge
Ham Paravarish-E-Lauh-O-Qalam Karate Rahenge
Jo Dil Pe Guzarti Hai Raqam Karte Rahenge
Asbaab-E-Gham-E-Ishq Baham Karte Rahenge
Weeraani-E-Dauraan Pe Karam Karte Rahenge
Haan Talkhi-E-Ayyaam Abhi Aur Badhegi
Haan Ahal-E-Sitam Mashq-E-Sitam Karte Rahenge
Manzoor Ye Talkhi–E- Sitam Ham Ko Gawaara
Dam Hai To Madaawaa-E-Alam Karte Rahenge
Maikhaana Salaamat Hai To Ham Surkhi-E-May Se
Tazzeen-E-Dar-O-Baam-E-Haram Karte Rahenge
Baaqi Hai Lahoo Dil Men To Har Ashk Se Paida
Rang-E-Lab-O-Rukhsaar-E-Sanam Karte Rahenge
Ek Tarz-E-Taghaaful Hai So Wo Un Ko Mubaarak
Ek Arz-E-Tamannaa Hai So Ham Karte Rahenge
-----------------
Faiz - Aaye Kuchh Abr Kuchh Sharaab Aaye
Aaye Kuchh Abr Kuchh Sharaab Aaye
Us Ke Baad Aaye, Jo Azaab Aaye
Baam-E-Meenaa Se Maahtaab Utare
Dast-E-Saaqi Men Aaftaab Aaye
Har Rag-E-Khoon Men Phir Charaaghaan Ho
Saamane Phir Wo Benaqaab Aaye
Umr Ke Har Waraq Pe Dil Ko Nazar
Teri Meher-O-Wafaa Ke Baab Aaye
Kar Rahaa Thaa Gham-E-Jahaan Ka Hisaab
Aaj Tum Yaad Behisaab Aaye
Na Gai Tere Gham Ki Saradaari
Dil Men Yoon Roz Inqalaab Aaye
Jal Uthe Bazm-E-Ghair Ke Dar-O-Baam
Jab Bhi Ham Khaanmaan-Kharaab Aaye
Is Tarah Apani Khamoshi Goonji
Goya Har Simt Se Jawaab Aaye
'Faiz' Thi Raah Sar Basar Manzil
Ham Jahaan Pahunche Kaamayaab Aaye
----------------
Faiz - Ham Par Tumhaari Chaah Ka Ilzaam Hi To Hai
Ham Par Tumhaari Chaah Ka Ilzaam Hi To Hai
Dush-Naam To Nahin Hai Ye Ikraam Hi To Hai
Karte Hain Jis Pe Taa'na, Koi Jurm To Nahin
Shauq-E-Fuzool-O-Ulfat-E-Naakaam Hi To Hai
Dil Muddai Ke Harf-E-Malaamat Se Shaad Hai
Ae Jaan-E-Jaan Ye Harf Tera Naam Hi To Hai
Dil Naa-Ummid To Nahin, Naa-Kaam Hi To Hai
Lambi Hai Gham Ki Shaam, Magar Shaam Hi To Hai
Dast-E-Falak Men, Gardish-E-Taqadeer To Nahin
Dast-E-Falak Men, Gardish-E-Ayyaam Hi To Hai
Aakhir To Ek Roz Karegi Nazar Wafaa
Wo Yaar-E-Khush-Khasaal, Sar-E-Baam Hi To Hai
Bheegi Hai Raat 'Faiz' Ghazal Ibtidaa Karo
Waqt-E-Sarod Dard Kaa Hangaam Hi To Hai
----------------------
Faiz - Har Haqeeqat Majaaz Ho Jaaye
Har Haqeeqat Majaaz Ho Jaaye
Kaafiron Ki Namaaz Ho Jaaye
Minnat-E-Chaara-Saaz Kaun Kare
Dard Jab Jaan Nawaaz Ho Jaaye
Ishq Dil Men Rahe To Rusawa Ho
Lab Pe Aaye To Raaz Ho Jaaye
Lutf Ka Intazaar Kartaa Hoon
Jor Taa Hadd-E-Naaz Ho Jaaye
Umr Besood Kat Rahi Hai 'Faiz'
Kaash Afshaa-E-Raaz Ho Jaaye
----------------------
Faiz - Nahin Nigaah Men Manzil To Justajoo Hi Sahi
Nahin Nigaah Men Manzil To Justajoo Hi Sahi
Nahin Wisaal Mayassar To Aarazoo Hi Sahi
Na Tan Men Khoon Faraaham Na Ashk Aankhon Men
Namaaz-E-Shauq To Waajib Hai Be-Wazoo Hi Sahi
Kisi Tarah To Jame Bazm Maikade Waalo
Nahin Jo Baadaa-O-Saaghar To Haa-O-Hoo Hi Sahi
Gar Intazaar Kathin Hai To Jab Talak Ai Dil
Kisi Ke Waada-E-Fardaa Ki Guftagoo Hi Sahi
Dayaar-E-Ghair Men Mahram Agar Nahin Koi
To 'Faiz' Zikr-E-Watan Apane Roo-Ba-Roo Hi Sahi
------------------
Faiz - Khuda Wo Waqt Na Laaye Ki Sogwaar Ho Too
Khuda Wo Waqt Na Laaye Ki Sogwaar Ho Too
Sukoon Ki Neend Tujhe Bhi Haraam Ho Jaaye
Teri Masarrat-E-Paiham Tamaam Ho Jaaye
Teri Hayaat Tujhe Talkh Jaam Ho Jaaye
Ghamon Se Aainaa-E-Dil Gudaaz Ho Teraa
Hujoom-E-Yaas Se Betaab Hoke Rah Jaaye
Wafoor-E-Dard Se Seemaab Ho Ke Rah Jaaye
Teraa Shabaab Faqat Khwaab Ho Ke Rah Jaaye
Ghuroor-E-Husn Saraapaa Niyaaz Ho Teraa
Taweel Raaton Men Too Bhi Qaraar Ko Tarase
Teri Nigaah Kisi Gham-Gusaar Ko Tarase
Khizaan-Raseedaa Tamannaa Bahaar Ko Tarase
Koi Jabeen Na Tere Sang-E-Aastaan Pe Jhuke
Ki Jins-E-Ijz-O-Aqeedat Se Tujh Ko Shaad Kare
Fareb-E-Waadaa-E-Farda Pe Aetamaad Kare
Khudaa Wo Waqt Na Laaye Ki Tujh Ko Yaad Aaye
Wo Dil Ki Tere Liye Be-Qaraar Ab Bhi Hai
Wo Aankh Jis Ko Teraa Intazaar Ab Bhi Hai
--------------------------
Faiz - Ab Mere Paas Tum Aayi Ho To Kya Aayi Ho
Ab Mere Paas Tum Aayi Ho To Kya Aayi Ho
Main Ne Maana Ki Tum Ik Paikar-E-Raanaai Ho
Chaman-E-Dehar Mein Rooh-E-Chaman Aaraai Ho
Talaat-E-Mehar Ho, Firdaus Ki Barnaayi Ho
Bint-E-Mehtaab Ho Gardoon Se Utar Aayi Ho
Mujh Se Milne Mein Ab Andesha-E-Ruswaai Ho
Main Ne Khud Apne Kiye Ki Yeh Saza Paayi Hai
Khaaq Khud Apne Kiye Ki Yeh Saza Paayi Hai
Khaaq Mein Aah Milaayi Hai Jawaani Maine
Shola-Zaaron Mein Jalaayi Hai Jawaani Maine
Shehr-E-Khubaan Mein Ganwaai Hai Jawaani Main Ne
Khwaab-Gaahon Mein Jagaayi Hai Jawaani Main Ne
Husn Ne Jab Bhi Inaayat Ki Nazar Daali Hai
Mere Paimaan-E-Mohbbat Ne Sipar Daali Hai
Un Dinon Mujh Pe Qayaamat Ki Junoon Taari Tha
Sar Pe Sarshaari-E-Ishrat Ka Junoon Taari Hai
Maah-Paaron Se Muhbbat Ka Junoon Taari Hai
Shahr-Yaaron Se Raqaabat Ka Junoon Taari Hai
Bistar-E-Makhmalon Sanjaab Thi Duniya Meri
Ek Rangeen Va Hasin Khwaab Thi Duniya Meri
Jannat-E-Shauq Thi Begaana-E-Aafat-E-Samoom
Dard Jab Dard Na Ho, Kaawish-E-Darmaa Maaloom
Khaak The Deeda-E-Bebaak Mein Gardoon Ke Nazoom
Bazm-E-Parveen Thi Nigaahon Mein Kaneezon Ka Hajoom
Laal-E-Naaz Bar-Afganda Naqaab Aati Thi
Apni Aankhon Mein Liye Daawate Khwaab Aati Thi
Sang Ko Gauhar-E-Nayaab Va Giraan Jaana Tha
Dasht-E-Purkhaar Ko Firdos-E-Javan Jaana Tha
Reg Ko Silsila-E-Aab-E-Rawaan Jaana Tha
Aah Yeh Raaz Abhi Main Ne Kahan Jaana Tha
Meri Har Fateh Mein Hai Ek Hazmiyat Pinah
Har Masarrat Mein Hai Raaz-E-Gham-O-Hasrat Pinaha
Kya Sunogi Meri Majrooh Jawaani Ki Pukaar
Meri Fariyaad Jigar-Doz, Mera Naala-E-Zaar
Shidaat-E-Qarb Mein Doobi Hui Meri Guftaar
Main Ki Khud Apne Mazak-E-Tarb-Aagin Ka Shikaar
Voh Gadaaz-E-Dile Marhoom Kahaan Se Laaun
Ab Main Vo Jazba-E-Maasoom Kahan Se Laaun
Mere Saaye Se Daro Tum Meri Qurbat Se Daro
Apni Jurrat Ki Qasam Ab Meri Zaraa'at Se Daro
Tum Lataafat Ho Agar Meri Lataafat Se Daro
Mere Vaadon Se Daro Meri Mohbbat Se Daro
Ab Main Altaaf-Va-Inaayat Ka Sazavaar Nahi
Main Wafaadaar Nahin, Haan Main Waffaadaar Nahin
Ab Tum Mere Paas Aayi Ho Toh Kya Aayi Ho
------------------
Faiz - Garmi-E-Shauq-E-Nazzaara Ka Asar To Dekho
Garmi-E-Shauq-E-Nazzaara Ka Asar To Dekho
Gul Khile Jaate Hain Wo Saaya-E-Dar To Dekho
Aise Naadaan To Na The Jaan Se Guzarne Waale
Naasiho, Rahbar-O-Raahaguzar To Dekho
Wo To Wo Hain Tumhen Ho Jaayegi Ulfat Mujhse
Ek Nazar Tum Mera Mahboob-E-Nazar To Dekho
Wo Jo Ab Chaak Garebaan Bhi Nahin Karte Hain
Dekhane Waalo Kabhi Un Kaa Jigar To Dekho
Daaman-E-Dard Ko Gulazaar Banaa Rakhaa Hai
Aao Ek Din Dil-E-Purakhoon Ka Hunar To Dekho
Subah Ki Tarah Jhamaktaa Hai Shab-E-Gham Ka Ufaq
"Faiz" Taabindagi-E-Deeda-E-Tar To Dekho
-------------------------
Faiz - Raaz-E-Ulfat Chhupaa Ke Dekh Liyaa
Raaz-E-Ulfat Chhupaa Ke Dekh Liyaa
Dil Bahot Kuchh Jalaa Ke Dekh Liyaa
Aur Kya Dekhne Ko Baaqi Hai
Aap Se Dil Laga Ke Dekh Liyaa
Wo Mere Hoke Bhi Mere Na Hue
Unako Apnaa Banaa Ke Dekh Liyaa
Aaj Unki Nazar Men Kuchh Hamane
Sabki Nazren Bachaa Ke Dekh Liyaa
'Faiz', Takmeel-E-Gham Bhi Ho Na Saki
Ishq Ko Aazmaa Ke Dekh Liyaa
-----------------
Faiz - Garmi-E-Shauq-E-Nazaara Ka Asar To Dekho
Garmi-E-Shauq-E-Nazaara Ka Asar To Dekho
Gul Khile Jaate Hain Wo Saaya-E-Dar To Dekho
Aise Nadaan To Na The Jaan Se Guzarne Waale
Nasiho, Rahbar-O-Rahguzar To Dekho
Wo To Wo Hain Tumhain Ho Jayegi Ulfat Mujhse
Ek Nazar Tum Mera Mehboob-E-Nazar To Dekho
Wo Jo Ab Chaak Garebaan Bhi Nahin Karte Hain
Dekhne Waalo Kabhi Un Ka Jigar To Dekho
Daaman-E-Dard Ko Gulzaar Bana Rakha Hai
Aao Ek Din Dil-E-Purkhoon Ka Hunar To Dekho
Subah Ki Tarah Jhamakta Hai Shab-E-Gham Ka Ufaq
“Faiz” Taabindgi-E-Didaa-E-Tar To Dekho
------------------
Faiz - Ab Vahi Harf-E-Junoon Sab Ki Zubaan Thahri Hai
Ab Vahi Harf-E-Junoon Sab Ki Zubaan Thahri Hai
Jo Bhi Chal Nikli Hai Wo Baat Kahaan Thahri Hai
Aaj Tak Shaikh Ke Ikraam Main Jo Shay Thi Haraam
Ab Vahi Dushman-E-Deen Rahat-E-Jaan Thahri Hai
Hai Khabar Garm Ke Phirta Hai Gurezaan Naaseh
Guftagu Aaj Sar-E-Ku-E-Butaan Thahri Hai
Hai Vahi Aariz-E-Laila Vahi Sheerian Ka Dahan
Nigaah-E-Shauq Ghadi Bhar Ko Yahaan Thahri Hai
Vasl Ki Shab Thi To Kis Darja Subak Guzri Hai
Hijr Ki Shab Hai To Kya Sakht Garaan Guzri Hai
Bikhari Ek Baar To Haath Aai Kab Mauj-E-Shamim
Dil Se Nikali Hai To Kab Lab Pe Fugaan Thahri Hai
Dast-E-Sayyaad Bhi Aajiz Hai Kaf-E-Gulchin Bhi
Buu-E-Gul Thahri Na Bulbul Ki Zabaan Thahri Hai
Aate Aate Yuun Hi Dam Bhar Ko Ruki Hogi Bahaar
Jaate Jaate Yuun Hi Pal Bhar Ko Khizaan Thahri Hai
Ham Ne Jo Tarz-E-Fugaan Ki Hai Qafas Main Ijaad
“Faiz” Gulshan Main Wo Tarz-E-Bayaan Thahri Hai
---------------------
Faiz - Bahaar Aai To Jaise Ek Baar
Bahaar Aai To Jaise Ek Baar
Laut Aaye Hain Phir Adam Se
Wo Khwaab Saare, Shabaab Saare
Jo Tere Honthon Pe Mar Mite The
Jo Mit Ke Har Baar Phir Jiye The
Nikhar Gaye Hain Gulaab Saare
Jo Teri Yaadon Se Mushkbu Hain
Jo Tere Ushshaaq Ka Lahu Hain
Ubal Pade Hain Azaab Saare
Malaal-E-Ahvaal-E-Dostaan Bhi
Khumaar-E-Aagosh-E-Mahvashaan Bhi
Gubaar-E-Khaatir Ke Baab Saare
Tere Hamaare
Sawaal Saare, Jawaab Saare
Bahaar Aai To Khul Gaye Hain
Naye Sire Se Hisaab Saare
-------------
Faiz - Bahut Milaa Na Milaa Zindagi Se Gham Kya Hai
Bahut Milaa Na Milaa Zindagi Se Gham Kya Hai
Mataa-E-Dard Baham Hai To Besh-O-Kam Kya Hai
Ham Ek Umr Se Waaqif Hain Ab Na Samjhaao
Ke Lutf Kya Hai Mere Mehrbaan Sitam Kya Hai
Kare Na Jag Men Alaaw To Sher Kis Maqsad
Kare Na Shahar Men Jal-Thal To Chashm-E-Nam Kya Hai
Ajal Ke Haath Koi Aa Rahaa Hai Parwaanaa
Na Jaane Aaj Ki Fehrist Men Raqam Kya Hai
Sajaao Bazme Ghazal Gaao Jaam Taaza Karo
Bahut Sahi Gham-E-Geti Sharaab Kam Kya Hai
Lihaaz Men Koi Kuchh Door Saath Chaltaa Hai
Wagarna Dahar Men Ab Khizr Ka Bharam Kya Hai
--------------------------
Faiz - Shaam-E-Firaaq Ab Na Poochh Aai Aur Aake Tal Gai
Shaam-E-Firaaq Ab Na Poochh Aai Aur Aake Tal Gai
Dil Thaa Ke Phir Bahal Gayaa, Jaan Thi Ke Phir Sambhal Gai
Bazm-E-Khayaal Men Tere Husn Ki Shamaa Jal Gai
Dard Kaa Chaand Bujh Gayaa, Hijr Ki Raat Dhal Gai
Jab Tujhe Yaad Kar Liyaa, Subha Mahak Mahak Uthi
Jab Teraa Gham Jagaa Liyaa, Raat Machal Machal Gai
Dil Se To Har Muaamalaa Karake Chale The Saaf Ham
Kahane Men Unake Saamane Baat Badal Badal Gai
Aakhir-E-Shab Ke Hamasafar 'Faiz' Na Jaane Kya Hue
Rah Gai Kis Jagah Sabaa, Subha Kidhar Nikal Gai
-------------------
No comments:
Post a Comment