samay samay kii Khalish mein teraa malaal rahe
judaaiiyon mein bhii yun aalam-e-visaal rahe
anaa kii jang mein ham jiit to gaye lekin
phir us ke baad bahut der tak nidhaal rahe
raah-e junun mein yahii zaad-e-raah hotaa hai
ke justajuu barhey divaanagii bahaal rahe
hasiin raaten bhii mahaken tumhaarii yaadon se
kare dinon mein bhii pal pal teraa Khayaal rahe
tuu ek baar zaraa kishtiyan jalaa to sahii
hai kyaa majaal ke ek lamhaa bhii zavaal rahe
No comments:
Post a Comment