اِس سے پہلے کہ کوئی اِن کو چُرا لے ، گِن لو
تُم نے جو دَرد کیے میرے حوالے ، گِن لو
چَل کے آیا ھُوں ، اُٹھا کر نہیں لایا گیا مَیں
کوئی شک ھے تو مِرے پاؤں کے چھالے گِن لو
مکڑیو ! گھر کی صفائی کا سمَے آ پہنچا
آخری بار دَر و بام کے جالے گِن لو
زَخم گِننے ھیں اگر میرے بدن کے یارو
تُم نے جو سَنگ مِری سَمت اُچھالے ، گِن لو
اَب نہیں کرتا کِسی پر بھی بھروسہ کوئی
گر نہیں مُجھ پہ یقیں ، شہر میں تالے گِن لو...
No comments:
Post a Comment