اپنے آپ سے پھرتے ہیں بیگانے کیوں؟
شہر میں آ کر لوگ ہوے دیوانے کیوں؟
ہم نے کب مانی تھی بات زمانے کی
آج ہماری بات زمانہ مانے کیوں؟
وہ جنگل کے پھولوں پہ کیوں مرتا ہے؟
اس کو اچھے لگتے ہیں ویرانے کیوں؟
سچی بات سے گھبرانے کی عادت کیا
جھوٹے لوگوں سے اپنے یارانے کیوں؟
خلوت میں جو آنکھ ملاتے ڈرتا ہو
میلے میں وہ شخص ہمیں پہچانے کیوں؟
محسن جب بھی چوٹ نٸ کھا لیتا ہوں
دل کو یاد آتے ہیں یار پرانے کیوں؟
No comments:
Post a Comment