Nazim's poetry

Nazim's poetry

Thursday, March 10, 2011

Apne haathon ki lakeeron mein basale mujh ko

Apne haathon ki lakeeron mein basale mujh ko
Main hoon tera naseeb apna banale mujh ko
Mujh se tu pochne aaya hai wafa ke maane
Ye teri saada diili maar na daale mujh ko

Main samundar bhi hoon moti bhi hoon ghota zan bhi hoon
Koyee bhi naam mera le kar bulale mujh ko

Tu ne dekha nahiin aayene se aage kuch bhi
khud parasti mein kahin na ganwale mujh ko

Kal ki baat aur hai ab sa rahoon ya na rahoon
Jitna ji chahe tera aaj satale mujh ko

Khud ko main baant na daaloon kahin daaman daaman
Kar diya agar tune mere hawale mujh ko

Main jo kaanta hoon to chal mujh se bacha kar daaman
Main hoon agar phool to jodey mein sajale mujh ko

Main khuley dar ke kisi ghar ka hoon saamaan piyare
Tu dabe paon kabhi aakar churale mujh ko

Tark ulfat ki Qassam bhi koyee hoti hai Qassam
Tu kabhi yaad to kar bhoolne wale mujh ko

Baada phir baada hai main zaher bhi pii jaon Qateel
Shart ye hai ke koyee banhon mein sambhale mujh ko

No comments:

Post a Comment

Related Posts Plugin for WordPress, Blogger...