Baqee bacha Kuch bhi nahi !

Kuch bhi nahi
Socha nahi acha bura
Dekha suna kuch bhi nahi
Manga khuda say har waqt
Teray siwa Kuch bhi nahi !

Dekha tujhey chaha tujhey
Socha tujhey pooja tujhey
Mere wafa mere khata
Tere khata kuch bhi nahi !

Jis par hamare aankh nay
Moti bichayey raat bhar
Bhaija wahee kaghaz usay
Ham nay likha Kuch bhi nahi !

Aur aik sham kee dehleez par
Baithay rahay woh dair tak
Aankhon say kee batain bohat
Munh say kaha kuch bhi nahi !

Do chaar din kee baat hay
Dil khak main mil jaye ga
Aag per jab kaghaz rakha
Baqee bacha Kuch bhi nahi !