Aankhain Likhta Rehta Hoon

Cherey Parhta, Aankhain Likhta Rehta Hoon
Main bhi kaise batain likhta rehta hoon

Saray jism darakhtoon jaisi lagti hain
Aur bahoon ko shakhain likhta rehta hoon

Tujh ko khat likhnay ke taiwar bhool gaya
Aarhi tirchi satrain likhta rehta hoon

Tere hijr main aur mujhe kia kerna hai
Tere naam kitabain likhta rehta hoon

Tujh se mill ker saray dukh dohraoon gee
Hijr ki sari batain likhta rehta hoon

Sookhay phool, kitabain, zakham judai ke
Teri sab soghatain likhta rehta hoon

Un ki bheegi palkain hansti rehti hain
MOHSIN jab tuk GAZALEIN likhta rehta hoon