Zarori Tu Nehi

ان سے ہو روز ملاقات ضروری تو نہیں

ہو ملاقات میں کچھ بات ضروری تو نہیں

جام چھلکاتی ہو برسات ضروری تو نہیں
مے کشی رند خرابات ضروری تو نہیں

یوں تو ہر رات کی قسمت میں ہے سحر لیکن
ہاں مگر ہجر کی اک رات ضروری تو نہیں

ہے کوئی پردہ تخیل کے پیچھے نہاں
حسن پابندِ حجابات ضروری تو نہیں

چشم ساقی کا تلطف ہے مشیت واصف
سب پہ یکساں ہوں عنایات ضروری تو نہیں

اس دم نہیں ہے فرق صبا و سموم میں

احساس کے لطیف سے اک دائرے میں ہوں
رہبر نے کیا فریب دیئے ہیں مجھے نہ پوچھ
منزل پہ ہوں نہ اب میں کسی راستے میں ہوں