Duniya Na Bana

Baar_Haa Tujh Say kaha Tha Mujhe Apna Na Bana,

Ab Mujhe Chor K Duniya Mein Tamasha Na Bana,

Na Dikhaa Paaye Ga Tu Khwaab Meri Aankhon Kay,

Ab Bhi Kehta Hon Mussawir Mera Chehra Na Bana,

Aik Yehi Gham Mere Marney K Liye Kafi Hai,

Jesa Tu Chahta Tha Mujh Ko Main Wesa Na Bana,

Aik Baat Aur Patay Ki Main Bataon Tujh Ko,

Aakhrat Banti Chali Jaye Gi Duniya Na Bana,

Ye Khuda Ban K Reayat Nahi Kartey Hain Wasi,

Husn Walon Ko Kabhi Qibla-o-Qa'aba na bana.