Kuch is tarah se her ik baam-o-dar ko dekhte hain,

Kuch aese hum ne kharaabe basaye shahron main,
Jo dasht wale thay wo bhi uthh aaye shahron main,

Humari saada-lohi dekhiye k dhoondhte hain,
Hum apne dais ki baaten paraye shahron main,

Kuch is tarah se her ik baam-o-dar ko dekhte hain,
Zamaane baad koi jese aaye shahron main,

Qadm qadm pe hoye talkh tajarbe phir bhi,
Humen hayaat k gham khainch laye shahron main,

Hawa na do k ye jungle ki aag hai yaaron,
Ajab nahi hai k ager phail jaaye shahron main,

Faraz hum wo ghazalaan_e_dasht-o-sehra hain,
Aseer ker k jinhen log laaye shahron main...!!!