Bujhny lag jain to phr

Bujhny lag jain to phr
shamain jala di jain
meri ankhain
mere dushman ko lga di jain

be'hunr log kahan
harf ki sachai kahan
ab kitabain
ksi darya me baha di jain

unki pehchaan ka dukh
jan se guzr jata hy
ye shabeehain
sir-e-aaina ganwa di jain

ab bicharny ka saleeqa hy
na milny ka hunar
ishq me tuhmatain
aain to bhula di jain

ya to khursheed
chamakta rahy peshaani me
ya lakeerain
mere mathy ki mita di jain

kitni bholi hui batain
hamain aaj uski "Saleem"
yaad aai hain
to ab us ko bata di jain